Kikarakanning av bløðruni
Kikarakanning av bløðruni - cystoskopi.
Nærri kunning um kanning
Innan kanning
Kanningin verður gjørd av serlækna í urologi og í samstarvi við sjúkrarøktarfrøðing.
Sjúklingurin skal hava ein nýggjan urinprøva við og tøma bløðruna, áðrenn kanningin verður gjørd.
Áðrenn kanningina verður sjúklingurin lagdur í song og vaskaður um urinrørsopningin fyri at fyribyrgja bløðrubruna. Lokaldoyving verður nýtt til viðgerðina, sum verður løgd í urinrørsopningin.
Undir kanning
Eitt tunt kikarainstrument verður ført upp gjøgnum urinrørið og upp í bløðruna. Bløðran og serliga slímhinnan í bløðruni verður kannað.
Sjúklingurin kann fylgja við kanningini á skíggjanum.
Eftir kanning
Fyrstu tímarnar eftir kanningina kann sjúklingurin merkja sviða við vatnlát. Tað er umráðandi at drekka nógv eftir kanningina fyri at skola bløðruna væl og soleiðis fyribyrgja bløðrubruna.
Uppfylging
Eftir kanningina prátar læknin við teg um úrslitið av kanningini og um møguliga víðari kanning ella viðgerð.
Samband
Deild
Skurðdeildin á Suðuroyar SjúkrahúsiLeiðandi starvsfólk
Agnete Vestergaardagnete@ssh.fo
Hent kunning
Finn veg
Adressan er Sjúkrahúsbrekkan 19, 800 Tvøroyri.
Parkering
Parkeringsøki er omanfyri sjúkrahúsið. Hesi eru burturav til sjúklingar og vitjandi á sjúkrahúsinum. Parkeringsøki er eisini eystanfyri við ambulansuinnkoyringina/kapellið. Hesi eru tó ofta upptikin av starvsfólkum.
Eisini eru kommunal parkeringsøki sunnanfyri sjúkrahúsið.
Tað kann til tíðir vera trupult at finna pláss tætt við sjúkrahúsið. Tí er gott at vera í góðari tíð, ella at seta sjúklingin av við inngongdina og parkera bilin.
Leiðbeiningin
Leiðbeiningin er á 2. hædd á sjúkrahúsinum. Leiðbeiningin er opin mánadag-hósdag frá 8.00-15.30 og fríggjadag frá 8.00-15.00.
Sjúklingar og onnur, ið hava avtalu á Rannsóknarstovuni, Skurðambulatoriinum, Røntgen/CT-skanning, Ergo- og fysioterapiini og Pínuklinikkini, skulu venda sær til leiðbeiningina.
Sjúklingar og onnur, ið skulu avgreiða inn- og útgjaldingar v.m., skulu somuleiðis venda sær til leiðbeiningina.
Tel. 34 33 00
Teldupostur: ssh@ssh.fo
Sjúklingaskrivstovan
Sjúklingaskrivstovan er staðsett í leiðbeiningini á 2. hædd. Her kunnu sjúklingar, ið skulu til viðgerð uttanlands venda sær.
Tel. 34 33 00
Kantinan
Kantinan er á 2. hædd á sjúkrahúsinum og er opin fyri sjúklingum, avvarðandi og starvsfólki allar gerandisdagar frá kl. 11:30-13:00.
Internet
Á Suðuroyar Sjúkrahúsi er gestanet, ið er opið til øll at brúka. Netið eitur Heilsunet-Guest.
Sosialir miðlar
Suðuroyar Sjúkrahús brúkar Facebook til at leggja tíðindi, myndir, kunning og størv út til tykkum at síggja.
Seingjadeildin hevur profil á Instagram.
Tit eru vælkomin at fylgja við.
Blómur
Á seingjadeildini er loyvt at hava avskornar blómur. Tosa við starvsfólkini um, hvussu tú skalt gera við blómurnar. Urtapottar kunnu ikki vera á deildini.