Gisting

Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi. 

Gestalonin hjá Landssjúkrahúsinum er í 1. og 2. hædd á Eirargarði 4.

Á 1. hædd er ein íbúð, tvey dupultkømur við dupultsong og seks einkult kømur við dupultsong. Á hvørjum kamari eru song, sjónvarp, borð og stólar. Í gongini eru 3 felags baðirúm, køkur og felags stova, umframt goymslurúm.

Á 2. hædd er ein íbúð, eitt dupultkamar við dupultsong og 8 einkult kømur við einari song.

Íbúðirnar eru serliga ætlaðar til barnakonum, sum skulu gista í longri tíðarskeið.

Innivist
Barnakonur og sjúklingar, ið ikki nýtast at verða innløgd ella avvarðandi, sum ynskja at verða nærhendis sjúkrahúsinum, kunnu fáa kamar ella íbúð í Gestalonini, við at siga viðkomandi deild frá.

Starvsfólkabygningurin, ið hoyrir til Klaksvíkar Sjúkrahús, hevur íbúðir og kømur til starvsfólk, ið eru á vakt, og til lesandi. 

Til Suðuroyar Sjúkrahús hoyrir ein starvsfólkabygningur, ið verður nevndur Skemman.

Bygningurin er í trimum hæddum. Bygningurin er frá 1950 og er nútíðargjørdur 2012.

Íbúðirnar eru á miðhæddini og ovastu hædd. Á hvørjari hædd eru 6 íbúðir, ið eru útgjørdar við køki, baðirúmi, telefon og sjónvarpi. Íbúðirnar eru hóskandi til í mesta lagi tvey vaksin fólk. Lyfta er ikki í bygninginum.

Felags vaskirúm við vaskimaskinu, turkitrumlu og strúkijarni, er á niðastu hædd.