Andlát

Avvarðandi mugu sjálvi avtala við prest/samkomuleiðara viðvíkjandi 
jarðarferð og kórseting, tá kistan kemur í kirkjuna/samkomuhúsið.

Avvarðandi mugu boða gravaranum í viðkomandi øki frá skjótast til ber. 

Ynskja avvarðandi at síggja tann deyða, meðan líkið stendur undir børu, er neyðugt at avtala tíð við ta deildina, har andlátið varð (gerandisdagar frá kl 8 - 15). 

Í Avvarðandistovuni er rúm fyri áleið 10-15 fólkum at savnast.

Vegna umbygging á Landssjúkrahúsinum, ber ikki til at hava 
bønarhald í Kapellinum.

Avvarðandi mugu at siga Kapellinum frá, nær tey ætla at kistan skal 
heintast, sí tlf-upplýsingar omanfyri. Kapellið skrásetir síðani heintanina.
Støða má takast til um kistulokið skal verða av ella á.

Í samband við fráferð, har avvarðandi koma, mugu tey venda sær til 
Leiðbeining fyri at verða fylgd niður í Avvarðandistovuna. 
Um kistulokið skal verða av, leggja avvarðandi sjálvi lokið á kistuna. 
Ikki er neyðugt við berarum til fráferðina.

Tey avvarðandi mugu sjálvi bíleggja kistu og líkklæði so skjótt til ber. 
Sí yvirlit við kistuveitarum longri niðri á síðuni.
Tað ber eisini til at verða klæddur í egin klæðir. Tá er neyðugt at koma 
við klæðunum til Leiðbeiningina, so skjótt sum til ber (Merk posan við 
navni og føðingardegi).

Kringvarp Føroya hevur tel. 347500 og teldupost andlat@kvf.fo. 

Avvarðandi avtala flutning við líkvogni við at seta seg í samband við 
føraran av líkvogninum hjá avvarðandi kommunu. 
Flutningur við kommunala líkvogninum er ókeypis.

Um kistan skal prýðast við blómum, kann hetta bíleggjast frá einum av 
blómuhandlunum. Tey syrgja fyri, at blómurnar koma út á 
Landssjúkrahúsið. Avvarðandi leggja sjálvi børuprýðið á kistulokið.

Landssjúkrahúsið boðar myndugleikum og Skiftirættinum frá andlátinum.
Í samband við andlát verða klæðir latin teimum avvarðandi. Allir virðislutir 
verða latnir Skiftirættinum, soleiðis at teir gerast partur av deyðsbúgvinum.

Heilsutrygd veitir stuðul til gravarhjálp smb. umsókn, tó í mesta lagi 5.000 kr. 
Sí www.heilsutrygd.fo

Vanliga bíleggur sjúklingaskrivstovan á Klaksvíkar Sjúkrahúsi kistu og líkverju. 

Um avvarðandi ynskja at tann deyði skal í egin klæðir, skulu hesi latast til portørarnar. 

Sjúklingaskrivstovan skal hava upplýsingar um navn, teldupostadressu og bústað hjá avvarðandi, ið skal standa fyri og gjalda kistuna og líkverjuna. (Heilsutrygd veitir stuðul, sí faldaran omanfyri).

Ynskja avvarðandi at síggja tann deyða, meðan líkið stendur undir børu, verður avtala gjørd við seingardeildina. 

Avvarðandi taka støðu til, nær kistulokið skal leggjast á og farið verður úr kapellinum. 

Tað ber til hjá teimum nærmastu at savnast til eina friðarliga løtu, har tey kunnu siga eitt seinasta farvæl. Avtala hesum viðvíkjandi skal gerast við Sjúklingaskrivstovuna á Klakvíkar Sjúkrahúsi, tel. 45 45 45, lokal 4507.

Avvarðandi avtala sjálvi við prest/samkomuleiðara um at halda eina bønarløtu ela kórseting, tá kistan kemur í kirkjuna ella samkomuhúsið.

Avvarðandi eiga at siga Sjúklingaskrivstovuni frá, nær tey ætla at kistan fer úr kapellinum. 

Avvarðandi bíleggja sjálvi gravara og líkbil, við at seta seg í samband við viðkomandi kommunu.

Í Klaksvík er hetta á tel. 23 88 98 ella 22 63 77. 

Kommunurnar gjalda fyri tænastuna. 

Ynskja avvarðandi at kistan skal prýðast við blómum, kann hetta bíleggjast frá einum av blómuhandlunum. 

Blómuhandilin Flora hevur tel. 45 51 15. 

Summardáin hevur tel. 45 61 93. 

Blómuhandlarnir syrgja fyri, at blómurnar koma á Klaksvíkar Sjúkrahús. Minnist til at gera avtalu um koyring av blómum út á grøvina. 

Sjúklingaskrivstovan boðar myndugleikum, presti og skiftirættinum frá andlátinum.

Áleið ein mánaða eftir jarðarferðina, ringir sjúkrarøktarfrøðingur til avvarðandi av teimum, sum hava verið innløgd á KS3, fyri at eftirmeta sjúkugongdina. 

Sama dag, sum farið verður úr kapellinum, verður tann deyði lagdur í kistuna. 

Avvarðandi kunnu vera við at leggja í kistuna, um ynski er um tað. 

Deildarleiðarin skal hava boð um, nær lokið skal leggjast á og nær farið verður úr kapellinum. 

Ynskir tú at síggja tann deyða, er best, at tú kemur um dagin. 

Sigið altíð deildarleiðara frá, áðrenn komið verður á sjúkrahúsið. 

Ynskir avvarðandi, at tann deyði skal í egin klæðir, eru tit vælkomin at lata hesi til sjúkrahúsið.

Líkbilur skal bíleggjast at koyra úr kapellinum og til jarðarferðina. 

Líkbilurin hjá Tvøroyrar Býráð kann bíleggjast á tlf. 57 99 26, 22 09 26 ella 61 10 85. 

Kommunurnar gjalda fyri tænastuna. 

Í kirkjum og samkomum eru sangarar. 

Avvarðandi mugu spyrja seg fyri, hvørji hesi eru og síðan seta seg í samband við tey. 

Sjúkrahúsið boðar myndugleikunum og skiftirættinum frá andlátinum.