Doyving til vaksin

Í sambandi við innlegging verður ein sjúklingajournal skrivað. Anæstesilæknin lesur hana og kunnar seg um tína heilsu, hvønn heilivág tú tekur og møguligt ovurviðkvæmi, umframt rúsdrekka– og roykivanar.

Hesar upplýsingar hava týdning fyri, hvørja doyving tú skalt hava. Hevur tú verið doyvd/-ur fyrr og hevur havt hjáárin av doyvingini, er umráðandi at tú greiðir frá hesum.

Anæstesilæknin ger av, hvørja doyving tú skalt hava. Hevur tú spurningar viðvíkjandi doyving, kanst tú umvegis sjúkrarøktarfrøðing á deildini fáa samband við anæstesilækna.