Doyving til vaksin
Í sambandi við innlegging verður ein sjúklingajournal skrivað. Anæstesilæknin lesur hana og kunnar seg um tína heilsu, hvønn heilivág tú tekur og møguligt ovurviðkvæmi, umframt rúsdrekka– og roykivanar.
Hesar upplýsingar hava týdning fyri, hvørja doyving tú skalt hava. Hevur tú verið doyvd/-ur fyrr og hevur havt hjáárin av doyvingini, er umráðandi at tú greiðir frá hesum.
Anæstesilæknin ger av, hvørja doyving tú skalt hava. Hevur tú spurningar viðvíkjandi doyving, kanst tú umvegis sjúkrarøktarfrøðing á deildini fáa samband við anæstesilækna.
Nærri kunning um viðgerð
Innan viðgerð
Tað er sera umráðandi, at magin er tómur undan skurðviðgerðini. Annars er vandi fyri at spýggja undir doyvingini.
Tú skalt einki eta 6 tímar undan skurðviðgerðini, tó kanst tú drekka 1-1½ glas av vatni ella saft 2 tímar undan doyvingini.
Royking:
Tú mást ikki roykja 6 tímar fyri skurðviðgerðina, tí hetta økir um slím í andaleiðini.
Vanliga fært tú pínutablettir fyri skurðviðgerðina og um neyðugt eisini sissandi heilivág. Tekur tú heilivág dagliga, skalt tú bert taka hann, um anæstesilæknin ella læknin hevur givið boð um tað.
At hava við á Skurðgongina
Brúkar tú brillur, hoyritól ella hevur tú tannprotesu, skalt tú hava tey við á skurðgongina, soleiðis at tað er lættari at samskifta við teg. Starvsfólkið hevur hjálpitólini í varðveitslu, meðan skurðviðgerðin fer fram.
Lat hetta liggja eftir:
- Pening
- Ur, ringar, hálsketur, oyraringar og aðrar prýðislutir
- Kontaktlinsur
- Smyrsl og neglalakk
Ofta settir spurningar
Er doyving vandamikil?
Tað er trygt at verða doyvd/ur. Vælútbúgvið starvsfólk innan anæstesi er alla tíðina hjá, meðan skurðviðgerðin fer fram. Er annað áfatt, enn tað ein skal skurðviðgerast fyri, t.d. hjartasjúka, er váðin eitt sindur størri fyri, at komplikatiónir kunnu koma fyri í sambandi við doyvingina. Um so er, greiðir anæstesilæknin tær nærri frá váðanum.
Hvørjar fylgjur kunnu koma í sambandi við ryggdoyving?
Tað eru fá, færri enn 2 %, ið fáa høvuðpínu í sambandi við ryggdoyving, eisini rópt spinal-anæstesi. Viðgerðin fyri slíka høvuðpínu er í flestu førum seingjarlega, ríkiligt at drekka og høvuðpínutablettir. Er høvuðpínan serliga ring, kann anæstesilæknin viðgera hesa.
Hvussu við spýggju í sambandi við doyving?
Tað eru sjúklingar, ið hava vaml og eisini spýggja í sambandi við doyving, men til ber at viðgera henda trupulleikan við heilivági .
Hvussu við pínu eftir skurðviðgerðina?
Anæstæsilæknin ger eina ætlan um, hvørja pínuviðgerð tú skalt hava eftir skurðviðgerðina. Pínuviðgerðin byrjar, meðan tú enn ert doyvd/-ur.
Undir viðgerð
Sjúkrarøktarfrøðingar á anæstesi- og skurðdeildini taka ímóti tær og spyrja um navn, føðingardag, ovurviðkvæmi o.a. Hetta verður gjørt fyri at tryggja allar neyðugar upplýsingar um teg.
Inni á skurðstovuni kemur tú at liggja á skurðlegu. Síðani verður eitt dropp lagt í eina æðr í arminum, so at saltvatn og neyðugur heilivágur kann latast til doyvingina. Blóðtrýstmasjett verður løgd um yvirarmin, klisturmerki og elektrodur verða sett á bringuna til yvirvaking av hjartanum. Eisini verður ein súrevnismátari settur á fingurin.
Tá hetta er gjørt, er klárt at doyva til fulla ella lokala doyving.
Vælútbúgvið starvsfólk innan anæstesi er alla tíðina hjá og ansar eftir, meðan skurðviðgerðin fer fram.
Full doyving
Doyvandi heilivágur verður sprændur í droppið, og tú sovnar eftir lítlari løtu. Tú svevur undir allari skurðviðgerðini uttan at kenna pínu.
Tá skurðviðgerðin er av, vekja vit teg úr doyvingini og geva tær pínustillandi medisin.
Frá skurðstovuni verður tú flutt/ur í viðrakningarstovuna.
Lokal doyving
Doyving av likamslutinum/staðnum, ið skal skurðviðgerðast. Sjúklingurin svevur ikki.
Í sambandi við doyving av einum avmarkaðum øki, verður doyvandi heilivágur sprændur beinleiðis í staðið, ið skal skurðviðgerðast. Eftir hesa doyving verður sjúklingurin aloftast fluttur aftur á seingjardeildina ella á viðrakningarstovuna.
Í sambandi við lokaldoyving ert tú vakin og uttan pínu, meðan skurðviðgerðin fer fram. Tó kann merkjast, at nortið verður við viðgjørda staðið. Er neyðugt, kanst tú fáa sissandi heilivág, so tú durvar eina løtu. Á anæstesideildini er møguleiki fyri lurta eftir tónleiki, meðan skurðviðgerðin fer fram.
Ryggdoyving
Í sambandi við ryggdoyving verður lokaldoyvandi heilivágur sprændur inn í ryggin (spinal – ella epiduralrúmið), har tað blokerar nervarnar og soleiðis doyvir tann partin av kroppinum, ið skal skurðviðgerðast í umleið 3-4 tímar.
Sjúklingar, ið eru ryggdoyvdir, verða fluttir í viðrakningarstovuna.
Í sambandi við lokaldoyving ert tú vakin og uttan pínu, meðan skurðviðgerðin fer fram. Tó kann merkjast, at nortið verður við viðgjørda staðið. Er neyðugt, kanst tú fáa sissandi heilivág, so tú durvar eina løtu. Á anæstesideildini er møguleiki fyri at lurta eftir tónleiki, meðan skurðviðgerðin fer fram.
Eftir viðgerð
Tá skurðviðgerðin er av, verður tú flutt/ur í viðrakningarstovuna ella beinleiðis á seingjardeildina. Í stovuni er sjúkrarøktarfrøðingur, sum alla tíðina fylgir við, hvussu tú hevur tað. Tú fært eitt katetur í nøsina við súrevni, og blóðtrýst, hjartasláttur, andadráttur, møgulig pína og vaml verða kannað. Er neyðugt verður viðgjørt við heilivági. Tá tú ert heilt vakin og hevur tað gott, verður tú flutt/ur frá viðrakningarstovuni og aftur á seingjardeildina. Kunning um skurðviðgerðina ella kanningina fært tú, tá tú ert komin aftur á seingjardeildina.
Eftir fulla doyving mást tú ikki koyra bil restina av degnum.
Samband
Deild
Anæstesideildin á LandssjúkrahúsinumHædd 2, Bygningur G
100 Tórshavn
Leiðandi starvsfólk
Hergerð Heldarskarðherhe@ls.fo
Hent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini ella kann takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt omaná. Døgurði er at fáa ímillum kl. 11:30 og 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.