Psykiatrisk fysioterapi
Ambulantir og innlagdir sjúklingar, ið eru atknýttir Psykiatriska deplinum, kunnu ávísast til fysioterapi av psykiatara ella lækna á psykiatriska deplinum. Allir ávístir sjúklingar verða kannaðir og fáa hóskandi fysioterapeutiska viðgerð.
Fokusið í psykiatriskari fysioterapi er at stuðla tær í at skilja samanhangin ímillum kropp og psyku, hvussu hesi hanga saman og ávirka hvønn annan. At hava fokus á tínar eginleikar og at arbeiða víðari út frá teimum.
Viðgerðin lættir um angist, tunglyndi, vøddaspenning, svøvnólag, órógv, strongd, og hon betrar um kropsfatan, sjálvsvirði, sjálvsálit og sosialar førleikar.
Viðgerðin verður skipað sum einsæris viðgerð og bólkaviðgerð.
Psykiatrisk fysioterapi inniheldur millum annað hesi tilboð:
-
Grounding
-
Handaviðgerð
-
Samlandi og kropsavgreinsandi viðgerð
-
Konditiónsvenjing
-
Styrkivenjing
-
Boksing
Serviðgerð
Basic Body Awareness Therapy (BBAT) - einsæris og í bólkum.
BBAT er ein viðgerðarháttur, ið er samansettur av einføldum gerandisrørslum í róligum tempo. Rørslurnar ger teg tilvitaða/m um kroppin, og hvussu hann virkar.
BBAT økir um rørslukvalitetin, og harvið styrkist kropsliga javnvágin, andadrátturin og nærveran í gerandisdegnum.
Nærri kunning um viðgerð
Samband
Deild
Ergo- og fysioterapi á LandssjúkrahúsinumH0: Ergo- og fysioterapi
E-bygningurin: Sálarfrøðingur, Neurosálarfrøðingur, Logopedur og Kliniskur sexologur
P35 á Eirargarði 19: Psykiatrisk fysioterapi
Leiðandi starvsfólk
Álvur Hansen , deildarleiðarialva@ls.fo Jórunn Simonsen , varaleiðari og fysioterapeutur
jorsi@ls.fo Hansa Olsen , varaleiðari og ergoterapeutur
hanoe@ls.fo
Samband
Deild
Psykiatrisk innleggingardeildVitjanartíð
Leiðandi starvsfólk
Lisbeth Vang , Sjúkrarøktarfrøðingur, Funktiónsleiðari Psykiatrisk seingjadeildlisva@ls.fo Rasmus Maltesen , Yvirlækni, Funktiónsleiðari Psykiatrisk seingjadeild Óluva Foldbo , Sjúkrarøktarfrøðingur, Varaleiðari Psykiatrisk seingjadeild Mirjam Hviid , Sjúkrarøktarfrøðingur, Varaleiðari Psykiatrisk seingjadeild
Samband
Deild
Psykiatriskt ambulatoriumP50 (Eirargarður 19)
Leiðandi starvsfólk
Ragnar Djurhuus Hammer , Yvirlækni, Funktiónsleiðari Ambulant vaksin og Økispsykiatriin Birgit Andersen , Sjúkrarøktarfrøðingur, Funktiónsleiðari Ambulant vaksin og Økispsykiatriinbiran@ls.fo
Hent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini ella kann takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt omaná. Døgurði er at fáa ímillum kl. 11:30 og 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.