PKU screening fyri CTD
Hetta er ein eyka blóðroynd fyri CTD (Carnitin Transporter Defekt).
Fyri at tryggja, at CTD-kanningin av nýføddum er so álítandi sum til ber, fáa allir nýføðingar tilboð um eyka blóðroynd 4 vikur eftir føðing fyri at kanna karnitininnihaldið í blóðinum.
Orsøkin til hesa endurkanning er, at karnitininnihaldið í blóðinum hjá nýføðingum kann vera ávirkað av karnitininnihaldinum hjá mammuni, tá vanliga PKU-royndin verður tikin 2-3 dagar eftir føðing. Tað er tí ein ávísur vandi fyri, at vanliga PKU-royndin ikki megnar at staðfesta CTD hjá nýføðingi.
Ávirkanin frá mammuni hvørvur eftir nøkrum vikum, og er nýggja skipanin við eyka blóðroynd eftir 4 vikum sett í verk fyri at tryggja, at øll børn, sum hava CTD, fáa staðfest sjúkuna, so tey kunnu fáa rætta heilivágin við karnitinískoyti.
Nærri kunning um kanning
Innan kanning
Áðrenn farið verður av føðideildini, verður blóðroyndarseðil útflýggjaður tykkum. Tað er ikki neyðugt at bíleggja tíð. Tit kunnu bara koma á Rannsóknarstovuna á Landssjúkrahúsinum, Klaksvíkar- ella Suðuroyar sjúkrahúsi umleið 4 vikur eftir føðing.
Undir kanning
Barnið verður prikað í halin.
Eftir kanning
Nýggja blóðroyndin verður send til Keypmannahavnar til kanningar. Um staðfest verður óvanliga lágt karnitininnihald, fáa tit beinleiðis boð frá lækna um at koma til nærri kanningar á Landssjúkrahúsinum.
Samband
Deild
Rannsóknarstovan á Suðuroyar SjúkrahúsiVitjanartíð
Leiðandi starvsfólk
Marit Holmmarho@ssh.fo
Hent kunning
Finn veg
Adressan er Sjúkrahúsbrekkan 19, 800 Tvøroyri.
Parkering
Parkeringsøki er omanfyri sjúkrahúsið. Hesi eru burturav til sjúklingar og vitjandi á sjúkrahúsinum. Parkeringsøki er eisini eystanfyri við ambulansuinnkoyringina/kapellið. Hesi eru tó ofta upptikin av starvsfólkum.
Eisini eru kommunal parkeringsøki sunnanfyri sjúkrahúsið.
Tað kann til tíðir vera trupult at finna pláss tætt við sjúkrahúsið. Tí er gott at vera í góðari tíð, ella at seta sjúklingin av við inngongdina og parkera bilin.
Leiðbeiningin
Leiðbeiningin er á 2. hædd á sjúkrahúsinum. Leiðbeiningin er opin mánadag-hósdag frá 8.00-15.30 og fríggjadag frá 8.00-15.00.
Sjúklingar og onnur, ið hava avtalu á Rannsóknarstovuni, Skurðambulatoriinum, Røntgen/CT-skanning, Ergo- og fysioterapiini og Pínuklinikkini, skulu venda sær til leiðbeiningina.
Sjúklingar og onnur, ið skulu avgreiða inn- og útgjaldingar v.m., skulu somuleiðis venda sær til leiðbeiningina.
Tel. 34 33 00
Teldupostur: ssh@ssh.fo
Sjúklingaskrivstovan
Sjúklingaskrivstovan er staðsett í leiðbeiningini á 2. hædd. Her kunnu sjúklingar, ið skulu til viðgerð uttanlands venda sær.
Tel. 34 33 00
Kantinan
Kantinan er á 2. hædd á sjúkrahúsinum og er opin fyri sjúklingum, avvarðandi og starvsfólki allar gerandisdagar frá kl. 11:30-13:00.
Internet
Á Suðuroyar Sjúkrahúsi er gestanet, ið er opið til øll at brúka. Netið eitur Heilsunet-Guest.
Sosialir miðlar
Suðuroyar Sjúkrahús brúkar Facebook til at leggja tíðindi, myndir, kunning og størv út til tykkum at síggja.
Seingjadeildin hevur profil á Instagram.
Tit eru vælkomin at fylgja við.
Blómur
Á seingjadeildini er loyvt at hava avskornar blómur. Tosa við starvsfólkini um, hvussu tú skalt gera við blómurnar. Urtapottar kunnu ikki vera á deildini.