Venjing eftir krabbamein
Í Ergo- og fysioterapiini bjóða vit venjingar til krabbameinssjúklingar. Vit móttaka eina ávísing frá tínum kommunulækna ella sjúkrahúslækna. Venjingin gongur fyri seg í nakrar vikur í senn. Venjingarnar eru alt eftir tørvi.
Nærri kunning um viðgerð
Innan viðgerð
Kommunulækni ella sjúkrahúslækni senda ávísing til Ergo- og fysioterapiina. Tú venur í bólki ella sum einstaklingur saman við fysioterapeuti, sum leggur eina venjingarætlan til rættis. Venjingarætlanin verður fylgd í 6-12 vikur í Ergo- og fysioterapiini.
Undir viðgerð
Ein fysioteraputur kemur at standa fyri venjingini og at fylgja gongdini. Vit byrja við eini sjúkrasøgu, sum gevur okkum eina mynd av tíni kropsligu støðu. Vit leggja okkum eftir at venja styrki og rørslu. Vit arbeiða eisini við bindivevnaðinum, serliga um tú ert skurðviðgjørd fyri bróstkrabba.
Eftir viðgerð
Tú fært í boði at koma aftur til venjing. Vit miða ímóti at fáa teg inn at venja tvær ferðir árliga í 8-12 vikur. Tú vendir tær tískil til kommunulæknan, sum endurnýggjar tína ávísing. Øll, ið enda sína venjing, fáa eina venjingarætlan við sær heim. Hetta er viðlíkahaldsvenjing, sum vit hava gjøgnumgingið gjølla.
Uppfylging
Tú fært eini telefonboð, tá tíð er til at byrja venjingina aftur. Tú venur í bólki ella sum einstaklingur. Mannagongdin er hin sama sum frammanundan. Vit venja í 6-12 vikur.
Samband
Deild
Ergo- og fysioterapi á LandssjúkrahúsinumH0: Ergo- og fysioterapi
E-bygningurin: Sálarfrøðingur, Neurosálarfrøðingur, Logopedur og Kliniskur sexologur
P35 á Eirargarði 19: Psykiatrisk fysioterapi
Leiðandi starvsfólk
Álvur Hansen , deildarleiðarialvha@ls.fo Jórunn Simonsen , varaleiðari og fysioterapeutur
jorsi@ls.fo Hansa Olsen , varaleiðari og ergoterapeutur
hanoe@ls.fo
Hent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini, í Skálanum ella takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt søtt omaná. Døgurði er at fáa ímillum kl. 11:30 - 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Skálin í H-bygninginum
Skálin er opin gerandisdagar frá kl. 10.00 - 14.00. Til ber at keypa døgurða, suppu ella dessert og salatbarr frá kl. 11.30 - kl. 13.00. Mána-, miku- og fríggjadag ber eisini til at keypa rísvelling við kanelsukri. Í upplatingartíðini ber somuleiðis til at keypa skundverðar og okkurt søtt.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini og Skálanum, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir í Kafeini
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.