Vegleiðing um sterilisatión av kvinnu
Sterilisatión er ein lítil skurðviðgerð, sum hevur við sær, at tú ikki longur kanst gerast við barn. Sterilisatiónin verður framd við, at eggrótirnar verða brendar ella pentaðar saman.
Nærri kunning um viðgerð
Innan viðgerð
Viðgerðin fer fram undir fullari doyving. Áðrenn tú møtir, verður tú biðin um at fara í bað og vaska nalvan serliga væl. Nýt um neyðugt vattpinn.
Kynshárini oman fyri skambeinið skulu varliga takast burtur við saksi ella elektriskari rakimaskinu.
Undir viðgerð
Viðgerðin tekur umleið hálvan tíma. Læknin førir kikaran inn í búkholuna gjøgnum eitt lítið op við nalvan; eisini verður eitt lítið op gjørt oman fyri skambeinið.
Undir skurðviðgerðini verður luft førd inn í búkholuna fyri at fáa yvirlit. Sterilisatiónin verður framd við, at eggrøturnar verða brendar ella pentaðar saman.
Eftir skurðviðgerðina verður luftin tømd út aftur, og sárini seymað við upploysiligum tráði.
Eftir viðgerð
Áðrenn tú verður útskrivað, kemur læknin at tosa við teg.
Best er at binda frið í 2-7 dagar. Vanliga hevur tú eitt vatnavvísandi plástur á skurðinum, og kanst tú tí fáa tær brúsubað dagin eftir skurðviðgerðina. Plástrið kann takast av aftaná 2-3 dagar.
Innan fyri ta fyrstu vikuna kann tað í einstøkum førum fyrikoma bruni.
Far til lækna:
- um tú fært nógva pínu í búkin
- um tú fært meira enn 38° fepur.
Um aðrir trupulleikar vísa seg innan 24 tímar eftir skurðviðgerðina, skalt tú seta teg í samband við Bráðmóttøkuna/Skaðastovuna.
Pína eftir skurðviðgerðina
Eftir skurðviðgerðina er vanligt at hava lætta sárpínu og at kenna pínu upp í akslarnar og herðabløðini orsakað av luftini, sum verður blást inn í búkholuna.
Pínan minkar so líðandi eftir nøkrum døgum.
Pínustillandi heilivágur, sum t.d. panodil og líknandi kann takast eftir tørvi. Sí vegleiðing um mongd á eskjuni.
Samband
Deild
Gynækologisk ambulatoriumFO-100 Tórshavn
Vitjanartíð
Leiðandi starvsfólk
Diana Reynstind , yvirlækniHent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini, í Skálanum ella takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt søtt omaná. Døgurði er at fáa ímillum kl. 11:30 - 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Skálin í H-bygninginum
Skálin er opin gerandisdagar frá kl. 10.00 - 14.00. Til ber at keypa døgurða, suppu ella dessert og salatbarr frá kl. 11.30 - kl. 13.00. Mána-, miku- og fríggjadag ber eisini til at keypa rísvelling við kanelsukri. Í upplatingartíðini ber somuleiðis til at keypa skundverðar og okkurt søtt.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini og Skálanum, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir í Kafeini
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.