Vatnlátskanning
Í einari vatnlátskanning verður vatnið latið í eitt ílat. Síðani verða virði skrásett, ið kunnu brúkast til at meta um møguligar trupulleikar við vatnlátinum og viðgerðarmøguleikar í hesum sambandi.
Nærri kunning um kanning
Innan kanning
Tað er umráðandi at drekka nógv vatn áðrenn kanningina. Møt tí upp við fullari bløðru. Um hetta ikki er møguligt, fæst okkurt drekkandi frá okkum, og tú kemur at sita og bíða, til tú ert bløðrusprongdur. Tað kann taka rúma tíð.
Undir kanning
Í eini vatnlátskanning verður vatnið latið í eitt ílat. Síðani verða virði skrásett, ið kunnu brúkast til at meta um møguligar trupulleikar við vatnlátinum og viðgerðarmøguleikar.
Hendan kanning verður hildin upp ímóti einari UL-skanning av bløðruni, sum verður gjørd beinanvegin, so metast kann um, hvussu væl bløðran verður tømd.
Eftir kanning
Eftir kanningina, kemur læknin at tosa við teg um kanningarúrslit og møguliga viðgerð víðari.
Uppfylging
Um læknin metur at tað er tørvur á uppfylgjan, fært tú boð um eina nýggja tíð.
Samband
Deild
Skurðdeildin á Suðuroyar SjúkrahúsiLeiðandi starvsfólk
Agnete Vestergaardagnete@ssh.fo
Hent kunning
Finn veg
Adressan er Sjúkrahúsbrekkan 19, 800 Tvøroyri.
Parkering
Parkeringsøki er omanfyri sjúkrahúsið. Hesi eru burturav til sjúklingar og vitjandi á sjúkrahúsinum. Parkeringsøki er eisini eystanfyri við ambulansuinnkoyringina/kapellið. Hesi eru tó ofta upptikin av starvsfólkum.
Eisini eru kommunal parkeringsøki sunnanfyri sjúkrahúsið.
Tað kann til tíðir vera trupult at finna pláss tætt við sjúkrahúsið. Tí er gott at vera í góðari tíð, ella at seta sjúklingin av við inngongdina og parkera bilin.
Leiðbeiningin
Leiðbeiningin er á 2. hædd á sjúkrahúsinum. Leiðbeiningin er opin mánadag-hósdag frá 8.00-15.30 og fríggjadag frá 8.00-15.00.
Sjúklingar og onnur, ið hava avtalu á Rannsóknarstovuni, Skurðambulatoriinum, Røntgen/CT-skanning, Ergo- og fysioterapiini og Pínuklinikkini, skulu venda sær til leiðbeiningina.
Sjúklingar og onnur, ið skulu avgreiða inn- og útgjaldingar v.m., skulu somuleiðis venda sær til leiðbeiningina.
Tel. 34 33 00
Teldupostur: ssh@ssh.fo
Sjúklingaskrivstovan
Sjúklingaskrivstovan er staðsett í leiðbeiningini á 2. hædd. Her kunnu sjúklingar, ið skulu til viðgerð uttanlands venda sær.
Tel. 34 33 00
Kantinan
Kantinan er á 2. hædd á sjúkrahúsinum og er opin fyri sjúklingum, avvarðandi og starvsfólki allar gerandisdagar frá kl. 11:30-13:00.
Internet
Á Suðuroyar Sjúkrahúsi er gestanet, ið er opið til øll at brúka. Netið eitur Heilsunet-Guest.
Sosialir miðlar
Suðuroyar Sjúkrahús brúkar Facebook til at leggja tíðindi, myndir, kunning og størv út til tykkum at síggja.
Seingjadeildin hevur profil á Instagram.
Tit eru vælkomin at fylgja við.
Blómur
Á seingjadeildini er loyvt at hava avskornar blómur. Tosa við starvsfólkini um, hvussu tú skalt gera við blómurnar. Urtapottar kunnu ikki vera á deildini.