Tarmkanning
Kikarakanning av endatarmi.
Nærri kunning um kanning
Innan kanning
Tveir dagar undan kanningini byrjar tú tøming av tarmum eftir vegleiðing frá apotekinum.
Tú møtir fastandi á deildini um morgunin, sum kanningin fer fram. Vit mæla tær til ikki at roykja sama morgun, sum kanningin skal gerast. Tú fært klæðir frá deildini at fara í.
Árðenn tú fert til kanningina, skalt tú tosa við læknan. Tekur tú heilivág, mást tú hava heligvágslistan við. Um tú tekur blóðtynnandi heilivág, verður tú møguliga biðin um at halda ein steðg í nakrar dagar undan kanningini.
Eftir kanning
Tá ið tú ert vaknað/ur kemur tú aftur á deildina.
Læknin tosar við teg um kanningina, áðrenn tú fert heim.
Uppfylging
Eru royndir tiknar, verður tú innkallað/ur til svar innan 14 dagar.
Samband
Deild
Seingjadeildin á Suðuroyar SjúkrahúsiVitjanartíð
Leiðandi starvsfólk
Lisbet Jacobsenlisbet@ssh.fo
Hent kunning
Finn veg
Adressan er Sjúkrahúsbrekkan 19, 800 Tvøroyri.
Parkering
Parkeringsøki er omanfyri sjúkrahúsið. Hesi eru burturav til sjúklingar og vitjandi á sjúkrahúsinum. Parkeringsøki er eisini eystanfyri við ambulansuinnkoyringina/kapellið. Hesi eru tó ofta upptikin av starvsfólkum.
Eisini eru kommunal parkeringsøki sunnanfyri sjúkrahúsið.
Tað kann til tíðir vera trupult at finna pláss tætt við sjúkrahúsið. Tí er gott at vera í góðari tíð, ella at seta sjúklingin av við inngongdina og parkera bilin.
Leiðbeiningin
Leiðbeiningin er á 2. hædd á sjúkrahúsinum. Leiðbeiningin er opin mánadag-hósdag frá 8.00-15.30 og fríggjadag frá 8.00-15.00.
Sjúklingar og onnur, ið hava avtalu á Rannsóknarstovuni, Skurðambulatoriinum, Røntgen/CT-skanning, Ergo- og fysioterapiini og Pínuklinikkini, skulu venda sær til leiðbeiningina.
Sjúklingar og onnur, ið skulu avgreiða inn- og útgjaldingar v.m., skulu somuleiðis venda sær til leiðbeiningina.
Tel. 34 33 00
Teldupostur: ssh@ssh.fo
Sjúklingaskrivstovan
Sjúklingaskrivstovan er staðsett í leiðbeiningini á 2. hædd. Her kunnu sjúklingar, ið skulu til viðgerð uttanlands venda sær.
Tel. 34 33 00
Kantinan
Kantinan er á 2. hædd á sjúkrahúsinum og er opin fyri sjúklingum, avvarðandi og starvsfólki allar gerandisdagar frá kl. 11:30-13:00.
Internet
Á Suðuroyar Sjúkrahúsi er gestanet, ið er opið til øll at brúka. Netið eitur Heilsunet-Guest.
Sosialir miðlar
Suðuroyar Sjúkrahús brúkar Facebook til at leggja tíðindi, myndir, kunning og størv út til tykkum at síggja.
Seingjadeildin hevur profil á Instagram.
Tit eru vælkomin at fylgja við.
Blómur
Á seingjadeildini er loyvt at hava avskornar blómur. Tosa við starvsfólkini um, hvussu tú skalt gera við blómurnar. Urtapottar kunnu ikki vera á deildini.