Skurðviðgerð fyri ov stóran prostata

Prostata er ein kertil, sum situr inni undir bløðruni og ringir seg um ovasta partin av urinrørinum.

Hjá flestu monnum veksur prostata við aldrinum, og kemur kertilin harvið at trýsta urinrørið. Hjá summum ger hetta tað trupult at kasta sær av vatninum. Hetta verður kallað ov stórur prostata.

Sjálv skurðviðgerðin kann vara umleið ein tíma. Harumframt fer tíð - bæði fyri og eftir skurðviðgerð - við fyrireiking, doyving og viðraking.