Røntgenkanning
Røntgenmyndir verða gjørdar, við at røntgenstrálir verða sendar út ígjøgnum eitt tól. Strálurnar ferðast ígjøgnum økið á kroppinum, sum skal kannast, og víðari til eina plátu, sum mátar strálurnar. Síðani umskapar teldan røntgenstrálurnar til eina mynd.
Ofta verða myndir tiknar frá ymiskum vinklum. Bleytur vevnaður og luft verða myrk á eini røntgenmynd, meðan beinagrindin verður ljós. Soleiðis ber til at skilja ymisku vevnaðirnir frá hvørjum øðrum.
Nærri kunning um kanning
Innan kanning
Nýt ikki smúkkur o.a. metal
Áðrenn kanningina – og helst heimanífrá – skulu smúkkur og metallutir takast av. Tannprotesur, hoyritól, brillur o.l. verður tikið av beint áðrenn kanning.
Um tú ert við barn
Boðað okkum frá í góðari tíð, um tú ert við barn, av tí at tað kann ávirka hvussu ella hvat fyri kanning verður gjørd.
Børn til røntgenkanning
Smá børn mugu hava foreldur ella avvarðandi við inn í kanningarrúmið, men helst ikki meir enn ein persón, av tí at vit nýta røntgenstrálir. Er neyðugt, at tvey eru við inni, so letur tað seg sjálvandi gera. Størri børn klára sum oftast eina røntgenkanning sjálvi.
Er neyðugt at hava foreldur ella avvarðandi við inn í kanningarrúmið, skulu hesi hava blýggjfyrriklæði á, fyri at verja ímóti røntgenstrálunum.
Undir kanning
Radiografurin greiðir tær frá, hvussu myndirnar skulu takast og avgerð, hvørjum klæðum tú skalt lata teg úr, og um tú skalt standa, sita ella liggja. Síðani verður røntgentólið stillað rætt inn, fyri at fáa so góðar myndir sum tilber. Tað er ymiskt, hvussu nógvar myndir skulu takast, alt eftir hvat tú skalt kannast fyri.
Tað er týdningarmikið at vera púra still/ur undir kanningini. Annars kann verða neyðugt at taka myndina av nýggjum.
Kanningin kann taka alt frá uml. 5-30 min.
Uppfylging
Svar uppá kanningina verður sent ávísandi lækna, og tú skalt sjálv/ur biðja um svarið, uttan so at onnur avtala er gjørd. Svarið fyriliggur vanliga eftir 2 gerandisdøgum. Í bráðfeingis støðum fært tú svar sama dag.
Hevur tú spurningar um kanningina, ert tú vælkomin at seta teg í samband við Røntgendeildina.
Samband
Deild
Røntgendeildin á Landssjúkrahúsinum2. hædd í B bygninginum
Leiðandi starvsfólk
Lisa FrederiksbergLisa.Frederiksberg@ls.fo
Hent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini ella kann takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt omaná. Døgurði er at fáa ímillum kl. 11:30 og 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.