Kokubotnsvenjing
Ergo- og fysioterapiin bjóðar kvinnum kokubotnsvenjingar serliga eftir føðing, og um tú hevur trupulleikar við at halda vatninum eftir skurðviðgerð ella av hormonellum ávum.
Nærri kunning um viðgerð
Innan viðgerð
Kommunulækni sendir Ergo- og fysioterapiini eina ávísing, og tú fært eina tíð frá okkum.
Undir viðgerð
Vit byrja við eini sjúkrasøgu, har tú greiðir frá tíni støðu. Fysioterapeuturin tekur støði í tíni útsøgn og spyr meira nágreiniliga inn til tín trupulleika. Vit tosa um tær kokubotnsvenjingar, tú skalt gera. Tú fært ein faldara frá okkum, sum vit gjøgnumganga, og vit tosa um ymisk hjálpartól at venja kokubotnin og tosa um anatomiina í kokubotninum t.v.s hvussu lívmóðir, bløðra, endatarmur og vøddar í kokubotninum virka, og hvørja ávirkan hetta hevur á tína støðu.
Ein venjingartími er vanliga 60 min.
Eftir viðgerð
Vit venja tvær ferðir um vikuna, og venjingarnar vara í fýra vikur. Eftir hetta skalt tú halda fram við at gera venjingarnar. Harafturat skalt tú kanna eftir, um kokuvøddarnir eru styrktir. Hesum fært tú frálæru frá okkum í.
Uppfylging
Tú ert vælkomin at ringja til Ergo- og fysioterapiina, um tú hevur ivamál ella spurningar eru til heimavenjingarnar.
Samband
Deild
Ergo- og fysioterapi á Suðuroyar Sjúkrahúsi800 Tvøroyri
Inngongd er við høvuðsdyrnar. Far niður trappurnar við høvuðsdyrnar, beint fram og inn á terapideildina á høgru hond við endan av gongini.
Leiðandi starvsfólk
Sára Olsensara@ssh.fo
Hent kunning
Finn veg
Adressan er Sjúkrahúsbrekkan 19, 800 Tvøroyri.
Parkering
Parkeringsøki er omanfyri sjúkrahúsið. Hesi eru burturav til sjúklingar og vitjandi á sjúkrahúsinum. Parkeringsøki er eisini eystanfyri við ambulansuinnkoyringina/kapellið. Hesi eru tó ofta upptikin av starvsfólkum.
Eisini eru kommunal parkeringsøki sunnanfyri sjúkrahúsið.
Tað kann til tíðir vera trupult at finna pláss tætt við sjúkrahúsið. Tí er gott at vera í góðari tíð, ella at seta sjúklingin av við inngongdina og parkera bilin.
Leiðbeiningin
Leiðbeiningin er á 2. hædd á sjúkrahúsinum. Leiðbeiningin er opin mánadag-hósdag frá 8.00-15.30 og fríggjadag frá 8.00-15.00.
Sjúklingar og onnur, ið hava avtalu á Rannsóknarstovuni, Skurðambulatoriinum, Røntgen/CT-skanning, Ergo- og fysioterapiini og Pínuklinikkini, skulu venda sær til leiðbeiningina.
Sjúklingar og onnur, ið skulu avgreiða inn- og útgjaldingar v.m., skulu somuleiðis venda sær til leiðbeiningina.
Tel. 34 33 00
Teldupostur: ssh@ssh.fo
Sjúklingaskrivstovan
Sjúklingaskrivstovan er staðsett í leiðbeiningini á 2. hædd. Her kunnu sjúklingar, ið skulu til viðgerð uttanlands venda sær.
Tel. 34 33 00
Kantinan
Kantinan er á 2. hædd á sjúkrahúsinum og er opin fyri sjúklingum, avvarðandi og starvsfólki allar gerandisdagar frá kl. 11:30-13:00.
Internet
Á Suðuroyar Sjúkrahúsi er gestanet, ið er opið til øll at brúka. Netið eitur Heilsunet-Guest.
Sosialir miðlar
Suðuroyar Sjúkrahús brúkar Facebook til at leggja tíðindi, myndir, kunning og størv út til tykkum at síggja.
Seingjadeildin hevur profil á Instagram.
Tit eru vælkomin at fylgja við.
Blómur
Á seingjadeildini er loyvt at hava avskornar blómur. Tosa við starvsfólkini um, hvussu tú skalt gera við blómurnar. Urtapottar kunnu ikki vera á deildini.