Kikarakanning av maganum
Gastroskopi er ein kikarakanning, ið verður gjørd av maganum.
Nærri kunning um kanning
Innan kanning
Dagin fyri kanningina kann sjúklingurin eta vanligan mat. Aftaná kl. 24.00 skal hann fasta, t.v.s. at hann ikki skal eta, drekka ella roykja. Tekur sjúklingurin jarnískoyti, skal hetta hava ein steðg í eitt døgn undan kanningini.
Sjúklingurin skal møta í bíðirúminum við Leiðbeiningina og siga starvsfólkinum frá.
Undir kanning
Sjúklingurin fær eina song at liggja í, og ein sjúkrarøktarfrøðingur leggur kanylu í eina æðr á handarbakinum. Sjúklingurin fær doyvandi heilivág í æðrina, meðan kanningin er. Um sjúklingurin ikki ynskir doyvandi heilivág undir kanningini ber til at tosa við starvsfólkið um hetta. Sjúklingurin merkir onga pínu, men av tí at luft verður blást gjøgnum gastroskopið niður í magan, kann sjúklingurin merkja trýst um flagbróstið og kenna tørv á at ropa og spýta. Kanningin tekur umleið 5-10 min.
Eftir kanning
Eftir kanningina verður sjúklingurin liggjandi í songini, til hann er komin fyri seg. Áðrenn sjúklingurin fer heim, fær hann at eta og drekka. Er sjúklingurin innlagdur, fer hann aftur á seingjardeildina eftir kanningina. Hevur sjúklingurin fingið doyvandi heilivág, skal hann ikki koyra bil fyrr enn 12 tímar eftir kanningina.
Uppfylging
Áðrenn sjúklingurin verður útskrivaður, greiðir læknin frá úrslitinum av kanningini. Er kyknuroynd tikin av rovuni, er svarið klárt 1-2 vikur eftir kanningina. Avtalað verður, hvussu svarið skal gevast.
Faldari
Sí faldara um gastroskopi her.
Samband
Deild
Skurðseingjadeild G4Bygningur G, hædd 4
Vitjanartíð
Leiðandi starvsfólk
Birgit Mohr , deildarleiðaribirmo@ls.dfo Jenny í Gong , varaleiðari
jenig@ls.fo Maria Thorkildshøj , varaleiðari
marth2@ls.fo
Samband
Deild
OP/Endoskopi/sterilsentralurBygningur B, hædd 2
Leiðandi starvsfólk
Guðrun Setberg Lindenskovgudli@ls.fo
Hent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini ella kann takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt omaná. Døgurði er at fáa ímillum kl. 11:30 og 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.