Endurvenjingar eftir skurðviðgerð
Ergo- og fysioterapiin bjóðar viðgerðir fyri sjúklingar, ið eru skurðviðgjørdir í akslum, mjadnum, knøum o.ø.
Les faldara um endurvenjing her.
Nærri kunning um viðgerð
Innan viðgerð
Kommunulækni ella sjúkrahúslækni senda ávísing til Ergo- og fysioterapiina, sum gevur tær eina tíð til viðtalu. Vit byrja við eini sjúkrasøgu, har tú greiðir frá tíni støðu. Fysioterapeuturin tekur støði í tíni frágreiðing og teimum fysioterapeutisku kanningunum.
Undir viðgerð
Venjingarnar fara fram í venjingarhølum okkara. Vit eru í mesta lagi seks sjúklingar á holdinum, og vit venja tvær ferðir um vikuna í tveir mánaðir. Her tosa vit eisini um avmarkingar í mun til diagnosuna, frálæru í anatomi, ergonomi og annað viðkomandi.
Eftir viðgerð
Tá venjingarnar eru komnar at enda, hava vit gjøgnumgingið eina endurvenjingarskrá, sum fysioterapeutur ella ergoterapeutur hevur útflýggjað og gjøgnumgingið saman við tær. Hesar venjingar skulu gerast 2-3 ferðir um vikuna. Hevur tú ivamál, eftir at tú eru liðug/ur í Ergo- og fysioterapiini, ert tú altíð vælkomin at ringja til okkara.
Uppfylging
Tá ein mánaður er farin, ringir tú til Ergo- og fysioterapiina og fortelur okkum, hvussu tað gongur við venjingunum. Hevur tú tørv á fleiri avbjóðingum, seta vit eina nýggja venjingarskrá saman.
Samband
Deild
Ergo- og fysioterapi á Suðuroyar Sjúkrahúsi800 Tvøroyri
Inngongd er við høvuðsdyrnar. Far niður trappurnar við høvuðsdyrnar, beint fram og inn á terapideildina á høgru hond við endan av gongini.
Leiðandi starvsfólk
Sára Olsensara@ssh.fo
Hent kunning
Finn veg
Adressan er Sjúkrahúsbrekkan 19, 800 Tvøroyri.
Parkering
Parkeringsøki er omanfyri sjúkrahúsið. Hesi eru burturav til sjúklingar og vitjandi á sjúkrahúsinum. Parkeringsøki er eisini eystanfyri við ambulansuinnkoyringina/kapellið. Hesi eru tó ofta upptikin av starvsfólkum.
Eisini eru kommunal parkeringsøki sunnanfyri sjúkrahúsið.
Tað kann til tíðir vera trupult at finna pláss tætt við sjúkrahúsið. Tí er gott at vera í góðari tíð, ella at seta sjúklingin av við inngongdina og parkera bilin.
Leiðbeiningin
Leiðbeiningin er á 2. hædd á sjúkrahúsinum. Leiðbeiningin er opin mánadag-hósdag frá 8.00-15.30 og fríggjadag frá 8.00-15.00.
Sjúklingar og onnur, ið hava avtalu á Rannsóknarstovuni, Skurðambulatoriinum, Røntgen/CT-skanning, Ergo- og fysioterapiini og Pínuklinikkini, skulu venda sær til leiðbeiningina.
Sjúklingar og onnur, ið skulu avgreiða inn- og útgjaldingar v.m., skulu somuleiðis venda sær til leiðbeiningina.
Tel. 34 33 00
Teldupostur: ssh@ssh.fo
Sjúklingaskrivstovan
Sjúklingaskrivstovan er staðsett í leiðbeiningini á 2. hædd. Her kunnu sjúklingar, ið skulu til viðgerð uttanlands venda sær.
Tel. 34 33 00
Kantinan
Kantinan er á 2. hædd á sjúkrahúsinum og er opin fyri sjúklingum, avvarðandi og starvsfólki allar gerandisdagar frá kl. 11:30-13:00.
Internet
Á Suðuroyar Sjúkrahúsi er gestanet, ið er opið til øll at brúka. Netið eitur Heilsunet-Guest.
Sosialir miðlar
Suðuroyar Sjúkrahús brúkar Facebook til at leggja tíðindi, myndir, kunning og størv út til tykkum at síggja.
Seingjadeildin hevur profil á Instagram.
Tit eru vælkomin at fylgja við.
Blómur
Á seingjadeildini er loyvt at hava avskornar blómur. Tosa við starvsfólkini um, hvussu tú skalt gera við blómurnar. Urtapottar kunnu ikki vera á deildini.