Endurvenjingar eftir skurðviðgerð

Kommunulækni ella sjúkrahúslækni senda ávísing til Ergo- og fysioterapiina, sum gevur tær eina tíð til viðtalu. Vit byrja við eini sjúkrasøgu, har tú greiðir frá tíni støðu. Fysioterapeuturin tekur støði í tíni frágreiðing og teimum fysioterapeutisku kanningunum.

Venjingarnar fara fram í venjingarhølum okkara. Vit eru í mesta lagi seks sjúklingar á holdinum, og vit venja tvær ferðir um vikuna í tveir mánaðir. Her tosa vit eisini um avmarkingar í mun til diagnosuna, frálæru í anatomi, ergonomi og annað viðkomandi.

Tá venjingarnar eru komnar at enda, hava vit gjøgnumgingið eina endurvenjingarskrá, sum fysioterapeutur ella ergoterapeutur hevur útflýggjað og gjøgnumgingið saman við tær. Hesar venjingar skulu gerast 2-3 ferðir um vikuna. Hevur tú ivamál, eftir at tú eru liðug/ur í Ergo- og fysioterapiini, ert tú altíð vælkomin at ringja til okkara.

Tá ein mánaður er farin, ringir tú til Ergo- og fysioterapiina og fortelur okkum, hvussu tað gongur við venjingunum. Hevur tú tørv á fleiri avbjóðingum, seta vit eina nýggja venjingarskrá saman.