CTD kanning
Sum flestum kunnugt er CTD (carnitin transporter defekt) lutfalsliga vanligari í Føroyum enn í øðrum londum. Roknað verður við at umleið 1 út av 400 persónum hava sjúkuna.
Hinvegin er viðgerðin trygg og ómakaleys. Neyðugt er regluliga at taka carnitin ískoyti.
Carnitin hevur ongi týðandi hjáárin. Við viðgerð eru lívsævisvónirnar normalar. Fá meiri at vita um CTD-sjúkuna í faldaranum “Kunning um CTD” á www.himr.fo
Tikið verður eitt gjald á 100 kr. Tó so, at tey, sum hava ávísing frá lækna vegna grundaðan illgruna um CTD-sjúku ella nærskyldskap (trímeningar ella nærri), kunnu fáa kanningina ókeypis, um tey hava ávísing frá lækna.
Nærri kunning um kanning
Innan kanning
Tað er ikki neyðugt at vera fastandi fyri at lata seg kanna fyri CTD .
Undir kanning
Blóðroyndin verður vanliga tikin úr arminum. Blóðroyndin er vanliga umleið 3 ml. Partur av blóðroyndini verður settur á serligt filturpapír, ið verður sent til kanningarstovu í Týsklandi ella Danmark. Møgulig restnøgd verður goymd í kliniska biobankanum í heilsuverkinum. Hetta verður gjørt í sambandi við møguligar eftirfylgjandi ella nýggjar kanningar, og har tað er neyðugt, viðkomandi ella praktiskt at hava royndina á goymslu.
Eftir kanning
Sum vanligt í sambandi við screeningar av PKU-kortum verða úrslit einans send í teimum førum, har tað er orsøk til víðari kanningar. Tó so, at fólk hava rætt til innlit í egnar upplýsingar.
Um úrslit av kanningarnar geva orsøk til víðari kanningar, setur vaktlæknin á Landssjúkrahúsinum seg í samband við teg. Tú verður sett/ur í fyribyrgjandi viðgerð, meðan kanningar verða gjørdar, s.s. heilsu- og hjartakanning.
Berarar verða ikki staðfestir við screeningini.
Samband
Deild
Rannsóknarstovan á Landssjúkrahúsinum100 Tórshavn
Bygningur G, Hædd 0
Leiðandi starvsfólk
Birita K. Samuelsenbirje@ls.fo
Hent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini, í Skálanum ella takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt søtt omaná. Døgurði er at fáa ímillum kl. 11:30 - 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Skálin í H-bygninginum
Skálin er opin gerandisdagar frá kl. 10.00 - 14.00. Til ber at keypa døgurða, suppu ella dessert og salatbarr frá kl. 11.30 - kl. 13.00. Mána-, miku- og fríggjadag ber eisini til at keypa rísvelling við kanelsukri. Í upplatingartíðini ber somuleiðis til at keypa skundverðar og okkurt søtt.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini og Skálanum, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir í Kafeini
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.