Arrviðgerð
Í ergo- og fysioterapiini ber til at fáa arrviðgerð. Arbeitt verður við bindivevnaðinum sum orsøk til arrviðgerðina. Hetta kann vera í sambandi við skurðviðgerð í bróstinum, skaðar á húð, sár o.a
Nærri kunning um viðgerð
Innan viðgerð
Kommunulæknin sendir ávísing til Ergo- og fysioterapiina, sum síðani setir seg í samband við teg.
Undir viðgerð
Byrjað verður við eini samrøðu um tína støðu. Ergoterapeuturin og/ella fysioterapeuturin gera sínar grundleggjandi kanningar, og út frá hesum verður viðgerðarætlan løgd.
Vit brúka el-terapi tól so sum laser, ultraljóð, shockwave, kinesiotape og mobiliseringstøkni fyri at javna arrvevnaðin.
Eftir viðgerð
Eftir at viðgerðirnar eru lidnar, fært tú eina venjingarskrá, sum tú skalt gera 2-3 ferðir um vikuna. Hetta eru venjingar, sum hava til endamáls at halda kroppin og hervið bindivevnaðin sterkan.
Uppfylging
Aftaná 4 vikur verður tú boðin til eftirmeting av viðgerðini. Hevur tú tað gott, kann hetta gerast umvegis telefon.
Samband
Deild
Ergo- og fysioterapi á Suðuroyar Sjúkrahúsi800 Tvøroyri
Inngongd er við høvuðsdyrnar. Far niður trappurnar við høvuðsdyrnar, beint fram og inn á terapideildina á høgru hond við endan av gongini.
Leiðandi starvsfólk
Sára Olsensara@ssh.fo
Hent kunning
Finn veg
Adressan er Sjúkrahúsbrekkan 19, 800 Tvøroyri.
Parkering
Parkeringsøki er omanfyri sjúkrahúsið. Hesi eru burturav til sjúklingar og vitjandi á sjúkrahúsinum. Parkeringsøki er eisini eystanfyri við ambulansuinnkoyringina/kapellið. Hesi eru tó ofta upptikin av starvsfólkum.
Eisini eru kommunal parkeringsøki sunnanfyri sjúkrahúsið.
Tað kann til tíðir vera trupult at finna pláss tætt við sjúkrahúsið. Tí er gott at vera í góðari tíð, ella at seta sjúklingin av við inngongdina og parkera bilin.
Leiðbeiningin
Leiðbeiningin er á 2. hædd á sjúkrahúsinum. Leiðbeiningin er opin mánadag-hósdag frá 8.00-15.30 og fríggjadag frá 8.00-15.00.
Sjúklingar og onnur, ið hava avtalu á Rannsóknarstovuni, Skurðambulatoriinum, Røntgen/CT-skanning, Ergo- og fysioterapiini og Pínuklinikkini, skulu venda sær til leiðbeiningina.
Sjúklingar og onnur, ið skulu avgreiða inn- og útgjaldingar v.m., skulu somuleiðis venda sær til leiðbeiningina.
Tel. 34 33 00
Teldupostur: ssh@ssh.fo
Sjúklingaskrivstovan
Sjúklingaskrivstovan er staðsett í leiðbeiningini á 2. hædd. Her kunnu sjúklingar, ið skulu til viðgerð uttanlands venda sær.
Tel. 34 33 00
Kantinan
Kantinan er á 2. hædd á sjúkrahúsinum og er opin fyri sjúklingum, avvarðandi og starvsfólki allar gerandisdagar frá kl. 11:30-13:00.
Internet
Á Suðuroyar Sjúkrahúsi er gestanet, ið er opið til øll at brúka. Netið eitur Heilsunet-Guest.
Sosialir miðlar
Suðuroyar Sjúkrahús brúkar Facebook til at leggja tíðindi, myndir, kunning og størv út til tykkum at síggja.
Seingjadeildin hevur profil á Instagram.
Tit eru vælkomin at fylgja við.
Blómur
Á seingjadeildini er loyvt at hava avskornar blómur. Tosa við starvsfólkini um, hvussu tú skalt gera við blómurnar. Urtapottar kunnu ikki vera á deildini.