Landssjúkrahúsið

Kílaskurður av lívmóðurhálsinum

Endamálið við skurðviðgerðini er at taka burtur kyknubroytingar í lívmóðurhálsinum.

Hvat eru kyknubroytingar á lívmóðurhálsinum?

Á lívmóðurhálsinum eru 4 stig av kyknubroytingum: Lættar kyknubroytingar, miðal sverar kyknubroytingar, sverar kyknubroytingar og carcinoma in situ broytingar

Kyknubroytingar koma eftir ein er smittaður við HPV-virus. Tað tekur ofta nógv ár, frá tí at ein er smittaður við HPV-virus, til man útviklar kyknubroytingar.

Sjúkueyðkenni

Oftast eru ongi eyðkenni. Kyknubroytingarnar verða staðfestar við kyknuroynd, sum verður tikin 3. hvørt ár hjá kommunulækna.

Nærri kunning um kanning

Innan kanning

Skurðviðgerðin fer fram í fullari doyving, og tí verður tú biðin um at vera fastandi, tá tú møtir. Tað merkir, at tú einki skalt eta ella drekka frá midnátt dagin fyri skurðviðgerðina.

Undir kanning

Skurðviðgerðin fer fram í fullari doyving. Eitt kílaformað petti av lívmóðurhálsinum verður skorin burtur og sent til kanningar. Tú fært skrivligt svar, tá svarið fyriliggur.

Eftir kanning

Tú kanst eta og drekka beinanvegin eftir skurðviðgerðina. Tú kemur varisliga upp at sita fyri at tryggja, at tú ikki bløðir meira enn væntað.

Eftir skurðviðgerðina bløðir tú nakað. Hetta steðgar eftir fáum døgum. Aftaná er vanligt við reyðbrúnum floti í upp til 3 vikur.

Góð ráð

Sárið á lívmóðurhálsinum lekist eftir 3-4 vikum. Hetta tíðarskeiðið verður mælt frá at lyfta tungt, harðari kropsligari venjing, at fara í bað, svimja, nýta tamponir og at hava samlegu. Sárið skal hava frið at lekja. Aftaná 10-14 dagar dettur sárskorpan av, og í hesum sambandi kann roknast við nakað av frískari bløðing.

Far til lækna

  • Um tú bløðir meira enn sum við vanliga menstruatión, ella sveitar
  • Um tú fær sterka pínu
  • Um tú fær fepur yvir 38*C

Eftir 2-3 vikur fær tú skrivligt svar uppá mikroskopisku kanningina og eina ætlan fyri víðari viðgerð.

Samband

Deild

Gynækologisk ambulatorium
J. C. Svabosgøta 41-49
FO-100 Tórshavn

Vitjanartíð

10.30 - 12.30

Leiðandi starvsfólk

Diana Reynstind , yvirlækni

Hent kunning

Leiðbeining

Leiðbeiningin liggur við høvuðsdyrnar í forhøllini á Landssjúkrahúsinum. 

Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.

Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.


Tel. 304500

Teldupostur: leidbeining@ls.fo

Parkering

Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.

Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.

Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar. 

Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð. 

Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.

Matur

Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini ella kann takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.

Heitur matur
Gerandisdagar kann heitur matur keypast til døgurða, umframt okkurt omaná. Døgurði er at fáa ímillum kl. 11:30 og 13:00. Sí dagsins rætt her.

Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.

Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum. 

Upp- og afturlatingartíðir
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30

Blómur

Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki. 

Internet

Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.

Sosialir miðlar

Landssjúkrahúsið brúkar bæði Facebook og Instagram til leggja tíðindi, myndir, kunning og størv út til tykkum at síggja.

Tit eru vælkomin at fylgja við. 

Royking

Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.

Gisting

Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini.  Tað sama er galdandi fyri avvarðandi. 

Gestalonin á Landssjúkrahúsinum er staðsett á Eiragarði 4. 

Les meira um Gestalonina her.

Send viðmerkingar ella hugskot til okkum fyri at betra um virksemið í Sjúkrahúsverkinum
Rís og rós