Prostatakanning
Við hesi kanning sæst hvussu stórur prostata er, og um prostata er størri enn vanligt. Um so er, ber til at kanna um møgulig illkynjað sjúka er í prostata.
Kanningin verður framd við at koyra ein tummilfingratjúkkan skannara inn í gjøgnum endatarmsopningin. Gjøgnum skannaran ber til at taka vevnaðarroyndir við eini tunnari nál.
Nærri kunning um kanning
Innan kanning
Um tú tekur blóðtynnandi heilivág, er neyðugt at halda ein steðg við hesum í nakrar dagar undan kanningini.
Um tú skalt taka vevnaðarroyndir, skalt tú undan skanningini taka fyribyrgjandi heilivág móti bruna, sum tú fært útflýggjað á ambulatoriinum. Tú skal taka 1 tablett av Ciproxin á 500 mg undan kanningini og 1 tablett sama kvøld. Dagin eftir kanningina skalt tú taka eina tablett um morgunin og eina um kvøldið.
Um tú ikki tolir antibotika, er neyðugt, at tú kunnar læknan um hetta.
Undir kanning
Tú liggur á vinstru síðu, meðan skanningin verður framd.
Skanningin tekur umleið 10 minuttir. Hon kann taka eitt sindur longri, um læknin ger av eisini at taka vevnaðarroyndir.
Eftir kanning
Fyrstu dagarnar eftir skanningina er ikki óvanligt, at blóð er í landi og skarni. Eisini kanst tú hava brúnlitta sáðvætu, sum kann vara í nakrar mánaðir. Um tú fært fepur ella bløðir illa, skalt tú seta teg í samband við urologiska ambulatoriið. Aftaná klokkan 16 gerandisdagar og leygardagar og sunnudagar skal tú seta teg í samband við læknavaktina á tlf. 1870.
Uppfylging
Serlæknin tosar við teg um úrslitið av kanningini.
Um vevnaðarroyndir verða tiknar, fært tú eina tíð aftur í ambulatorinum 2-3 vikur seinni til svar og sjúkuavgerð.
Samband
Deild
Skurðambulatoriið á LandssjúkrahúsinumHædd 3, bygningur B
Leiðandi starvsfólk
Mildrid Rasmussardóttirmilra@ls.fo
Hent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini ella kann takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt omaná. Døgurði er at fáa ímillum kl. 11:30 og 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.