Pinkubarnasvimjing og frálæra í fyrstuhjálp
Ergo- og fysioterapiin bjóðar heitan hyl til pinkubørn og fylgjara. 8 vikur eftir føðing sendir kommunulækni ávísing til Ergo- og fysioterapiina. Tíðarskeiðið er 6 vikur.
Nærri kunning um viðgerð
Innan viðgerð
Barnið skal hava eina tættsitandi svimjiblæu. Fylgjarin hevur síni egnu svimjiklæði. Skiftiborð, baðikar, sápa og handklæði fæst í Ergo- og fysioterapiini.
Undir viðgerð
Tað er umráðandi at skapa tryggar karmar fyri pinkubarnið og fylgjaran. Tískil byrja og enda allir svimjitímarnir á sama hátt.
Venjingarnar eru ymiskar, men høvuðsendamálið við venjingunum er at læra ymiskar teknikkir og tøk í hylinum til frama fyri motorisku menningina hjá pinkubarninum.
Fylgjarin fær eisini frálæru í fyrstuhjálp til pinkubarnið frá paramedisinara. Endamálið er, at fylgjarin skal gerast tryggur við at fara svimjihyl við barni sínum.
Eftir viðgerð
Eftir seks vikur er frálæran í svimjihylinum komin at enda. Vit taka samanum og práta um týdningin av at vera í vatni, og hvussu væl pinkubarnið mennist og fær eitt øðrvísi motoriskt upplivilsi.
Uppfylging
Mælt verður til, at fylgjararnir halda fram við svimjingini eftir at tíðarskeiðið á Suðuroyar sjúkrahúsi er liðugt.
Samband
Deild
Ergo- og fysioterapi á Suðuroyar Sjúkrahúsi800 Tvøroyri
Inngongd er við høvuðsdyrnar. Far niður trappurnar við høvuðsdyrnar, beint fram og inn á terapideildina á høgru hond við endan av gongini.
Leiðandi starvsfólk
Sára Olsensara@ssh.fo
Hent kunning
Finn veg
Adressan er Sjúkrahúsbrekkan 19, 800 Tvøroyri.
Parkering
Parkeringsøki er omanfyri sjúkrahúsið. Hesi eru burturav til sjúklingar og vitjandi á sjúkrahúsinum. Parkeringsøki er eisini eystanfyri við ambulansuinnkoyringina/kapellið. Hesi eru tó ofta upptikin av starvsfólkum.
Eisini eru kommunal parkeringsøki sunnanfyri sjúkrahúsið.
Tað kann til tíðir vera trupult at finna pláss tætt við sjúkrahúsið. Tí er gott at vera í góðari tíð, ella at seta sjúklingin av við inngongdina og parkera bilin.
Leiðbeiningin
Leiðbeiningin er á 2. hædd á sjúkrahúsinum. Leiðbeiningin er opin mánadag-hósdag frá 8.00-15.30 og fríggjadag frá 8.00-15.00.
Sjúklingar og onnur, ið hava avtalu á Rannsóknarstovuni, Skurðambulatoriinum, Røntgen/CT-skanning, Ergo- og fysioterapiini og Pínuklinikkini, skulu venda sær til leiðbeiningina.
Sjúklingar og onnur, ið skulu avgreiða inn- og útgjaldingar v.m., skulu somuleiðis venda sær til leiðbeiningina.
Tel. 34 33 00
Teldupostur: ssh@ssh.fo
Sjúklingaskrivstovan
Sjúklingaskrivstovan er staðsett í leiðbeiningini á 2. hædd. Her kunnu sjúklingar, ið skulu til viðgerð uttanlands venda sær.
Tel. 34 33 00
Kantinan
Kantinan er á 2. hædd á sjúkrahúsinum og er opin fyri sjúklingum, avvarðandi og starvsfólki allar gerandisdagar frá kl. 11:30-13:00.
Internet
Á Suðuroyar Sjúkrahúsi er gestanet, ið er opið til øll at brúka. Netið eitur Heilsunet-Guest.
Sosialir miðlar
Suðuroyar Sjúkrahús brúkar Facebook til at leggja tíðindi, myndir, kunning og størv út til tykkum at síggja.
Seingjadeildin hevur profil á Instagram.
Tit eru vælkomin at fylgja við.
Blómur
Á seingjadeildini er loyvt at hava avskornar blómur. Tosa við starvsfólkini um, hvussu tú skalt gera við blómurnar. Urtapottar kunnu ikki vera á deildini.