Biopsi av bróstinum - Stereotaksi
Ein stereotaktisk biopsi er ein røntgenvegleidd vevnaðarroynd av bróstinum. Sum oftast er talan um smáar kálkingar, sum bert kunnu síggjast við røntgen.
Nærri kunning um kanning
Innan kanning
Heilivágur
Tekur tú blóðtynnandi heilivág, skalt tú venda tær til ávísandi lækna /ambulatorium fyri at tryggja, at royndin kann takast uttan vanda fyri bløðing. Møguliga verður tú biðin um, at halda ein steðg við blóðtynnandi heilivágnum nakrar dagar frammanundan. Avtala samstundis nær tú kanst byrja at taka blóðtynnandi heilivágin aftur.
Við barn ella bróstageving
Um tú ert við barn, ella ivast í um tú ert við barn, boða okkum frá í góðari tíð, tí tað kann ávirka, hvussu kanningin verður gjørd. Gevur tú bróst, er týdningarmikið, at tú tømir bróstini væl áðrenn kanningina.
Tað er týdningarmikið, at tú ikki nýtir krem, talkum, deodorant og luktilsi á kanningardegnum.
Undir kanning
Ein brósta røntgenlækni tekur vevnaðarroyndina saman við tveimum radiografum. Tú situr í einum stóli, og bróstið, har vevnaðarroyndin skal takast úr, verður kleimt ímillum tvær plátur undir allari kanningini. Hetta kann kennast eitt sindur óbehagiligt.
Fyrst verða røntgenmyndir tiknar fyri at síggja staðsetingina av kálkingunum. Tá ið stungustaðið er funnið, fært tú doyving, soleiðis at tú einki merkir, tá ið royndin skal takast. Royndin verður tikin við, at ein nál verður stungin í bróstið við hjálp av røntgentólinum.
Tá ið royndin er tikin, og bróstið er loyst, trýstur radiografurin fast niður á stungustaðið, fyri at minka um bløðingina. Hetta trýstið skal haldast í uml. 10 minuttir, ella til bløðingin er steðgað. Síðani fært tú plástur og umbinding um bringuna.
Kanningin tekur umleið 1 tíma tilsamans. Tú ert vælkomin at hava onkran við, men umstøður eru tíverri ikki til, at avvarðandi kunnu koma við inn til sjálva kanningina.
Eftir kanning
Byrjar tað at bløða frá stungustaðnum, eftir at tú ert farin av Røntgendeildini, skalt tú trýsta fast niður á stungustaðið, til tað ikki bløðir meira. Hetta kann taka fleiri minuttir.
Tú kanst fáa eitt blátt merki og vera eym í bróstinum í nakrar dagar, orsakað av bløðingini. Tú mást ikki lyfta tungt ella gera ov nógv av restina av degnum.
Plástrið skal vera sitandi til dagin eftir, tó skal tað skiftast, um tað gerst vátt ella skitið.
Verður bróstið heitt, hovið, sæst roði á tí, og tú fært fepur, kann tað vera tekin um bruna, og tí skalt tú venda tær til kommunulæknan. Er tað uttanfyri viðtalutíð, skalt tú venda tær til Læknavaktina á tlf.: 1870.
Uppfylging
Vevnaðarroyndin verður send til Ríkissjúkrahúsið at greinast, og hetta tekur 2-3 vikur. Tá ið svarið fyriliggur, fært tú eina innkalling frá bróstaambulatoriinum B3 til eina samrøðu, har tú fært nærri kunning um víðari ætlan. Tú fært eitt kunningarskriv við heim á kanningardegnum.
Hevur tú spurningar, ert tú vælkomin at seta teg í samband við Røntgendeildina.
Samband
Deild
Røntgendeildin á Landssjúkrahúsinum2. hædd í B bygninginum
Leiðandi starvsfólk
Lisa FrederiksbergLisa.Frederiksberg@ls.fo
Hent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini, í Skálanum ella takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt søtt omaná. Døgurði er at fáa ímillum kl. 11:30 - 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Skálin í H-bygninginum
Skálin er opin gerandisdagar frá kl. 10.00 - 14.00. Til ber at keypa døgurða, suppu ella dessert og salatbarr frá kl. 11.30 - kl. 13.00. Mána-, miku- og fríggjadag ber eisini til at keypa rísvelling við kanelsukri. Í upplatingartíðini ber somuleiðis til at keypa skundverðar og okkurt søtt.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini og Skálanum, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir í Kafeini
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.