Endurvenjing eftir akslaskurðviðgerð
Kommunulæknin sendir ávísing til Ergo- og fysioterapiina, og tú verður ávíst/ur til ergoterapi.
Les faldara um endurvenjing her.
Nærri kunning um viðgerð
Innan viðgerð
Ergo- og fysioterapiin fær eina ávísing frá kommunulækna, og tú fært eina tíð til viðtalu. Vit byrja við eini sjúkrasøgu, har tú greiðir frá tíni støðu. Ergoterapeuturin tekur støði í tíni frágreiðing og teimum ergoterapeutisku kanningunum, og leggur út frá hesum eina ætlan.
Undir viðgerð
Venjingarnar fara fram í okkara venjingarhølum. Tú venur 2-3 ferðir um vikuna í tríggjar mánaðir. Her tosa vit um avmarkingar orsakað av diagnosuni, frálæra í anatomi, ergonomi og annað viðkomandi.
Eftir viðgerð
Eftir at venjingarnar eru at enda komnar, hava vit gjøgnumgingið eina endurvenjingarskrá, sum ergoterapeuturin hevur útflýggjað og gjøgnumgingið saman við tær. Hesar venjingar skulu gerast 2-3 ferðir um vikuna. Hevur tú ivamál, eftir at tú eru givin í Ergo- og fysioterapiini, ert tú altíð vælkomin at ringja til okkara.
Uppfylging
Tá ein mánaður er farin, vilja vit fegin frætta frá tær, og hvussu tað gongur við venjingunum. Hevur tú tørv á fleiri avbjóðingum, seta vit saman eina nýggja venjingarskrá.
Samband
Deild
Ergo- og fysioterapi á Suðuroyar Sjúkrahúsi800 Tvøroyri
Inngongd er við høvuðsdyrnar. Far niður trappurnar við høvuðsdyrnar, beint fram og inn á terapideildina á høgru hond við endan av gongini.
Leiðandi starvsfólk
Sára Olsensara@ssh.fo
Hent kunning
Finn veg
Adressan er Sjúkrahúsbrekkan 19, 800 Tvøroyri.
Parkering
Parkeringsøki er omanfyri sjúkrahúsið. Hesi eru burturav til sjúklingar og vitjandi á sjúkrahúsinum. Parkeringsøki er eisini eystanfyri við ambulansuinnkoyringina/kapellið. Hesi eru tó ofta upptikin av starvsfólkum.
Eisini eru kommunal parkeringsøki sunnanfyri sjúkrahúsið.
Tað kann til tíðir vera trupult at finna pláss tætt við sjúkrahúsið. Tí er gott at vera í góðari tíð, ella at seta sjúklingin av við inngongdina og parkera bilin.
Leiðbeiningin
Leiðbeiningin er á 2. hædd á sjúkrahúsinum. Leiðbeiningin er opin mánadag-hósdag frá 8.00-15.30 og fríggjadag frá 8.00-15.00.
Sjúklingar og onnur, ið hava avtalu á Rannsóknarstovuni, Skurðambulatoriinum, Røntgen/CT-skanning, Ergo- og fysioterapiini og Pínuklinikkini, skulu venda sær til leiðbeiningina.
Sjúklingar og onnur, ið skulu avgreiða inn- og útgjaldingar v.m., skulu somuleiðis venda sær til leiðbeiningina.
Tel. 34 33 00
Teldupostur: ssh@ssh.fo
Sjúklingaskrivstovan
Sjúklingaskrivstovan er staðsett í leiðbeiningini á 2. hædd. Her kunnu sjúklingar, ið skulu til viðgerð uttanlands venda sær.
Tel. 34 33 00
Kantinan
Kantinan er á 2. hædd á sjúkrahúsinum og er opin fyri sjúklingum, avvarðandi og starvsfólki allar gerandisdagar frá kl. 11:30-13:00.
Internet
Á Suðuroyar Sjúkrahúsi er gestanet, ið er opið til øll at brúka. Netið eitur Heilsunet-Guest.
Sosialir miðlar
Suðuroyar Sjúkrahús brúkar Facebook til at leggja tíðindi, myndir, kunning og størv út til tykkum at síggja.
Seingjadeildin hevur profil á Instagram.
Tit eru vælkomin at fylgja við.
Blómur
Á seingjadeildini er loyvt at hava avskornar blómur. Tosa við starvsfólkini um, hvussu tú skalt gera við blómurnar. Urtapottar kunnu ikki vera á deildini.