Anæstesisjúkrarøktarfrøðingur til Suðuroyar Sjúkrahús
Søkt verður eftir einum anæstesisjúkrarøktarfrøðingi til fast starv til setan 1. mars 2025 ella eftir nærri avtalu. Arbeiðstíðin er 1,0 við tilkallivakt eftir galdandi reglum.
Um okkum
Vit eru eitt vælvirkandi nymótans sjúkrahús og taka imóti sjúklingum úr øllum Føroyum. Her starvast áleið 120 fólk í ymiskum fakbólkum.
Anæstesideildin er partur av skurðdeildini. Har starvast dagliga yvirlæknar, skurðsjúkrarøktarfrøðingar, anæstesisjúkrarøktarfrøðingar, radiografar og reingerðarfólk.
Á skurðdeildini eru skurðstovur, skurðambulatorium, skaðastova, viðrakning og røntgen, umframt hølir til onnur endamál. Vit fremja umleið 400 skurðviðgerðir árliga innan sergreinarnar urologi, nýrasteinsknúsing við lasara, almen kirurgi, gastroskopi og coloskopi, ortopædkirurgi og plastikkirurgi.
Um starvið
Arbeiðið fevnir í høvuðsheitum um at doyva sjúklingar til skurðviðgerðir innan nevndu sergreinar, umframt at varða av viðrakingargongdini.
Narkosusjúkrarøktarfrøðingur er við til at taka ímóti akuttum skurð- og skaðasjúklingum og luttekur í sjúklingaflutningi við ferju og tyrlu til Landssjúkrahúsið.
Narkosusjúkrarøktarfrøðingar luttaka eisini í CT-skanningunum við kontrasti á røntgendeildini. Arbeiðið fevnir har umframt um ymsar aðrar uppgávur á sjúkrahúsinum.
Tú kemur at arbeiða sjálvstøðugt, saman við tínum starvsfelaga og okkara narkosulækna.
Vit leggja stóran dent á tvørfakligt samstarv og ynskja, at starvsfólkini eru við til at menna hetta og viðvirka til jaligan hugburð á deildini. Vit hava eina jaliga tilgongd til arbeiðið, og hetta vænta vit eisini av okkara nýggja starvsfelaga.
Vit ynskja, at tú
• setir tørvin hjá sjúklinginum í hásæti
• hevur góð tvørfaklig samstarvsevni og evni at arbeiða sjálvstøðugt
• hevur lætt við at organisera og strukturera og hevur yvirlit í akuttum støðum
• ert positiv/ur, motiverað/ur, engagerað/ur og fleksibul
• hevur hug og vilja at arbeiða við egnari fakligari menning og førleikum
• kennir ábyrgd av at skapa góðan trivna á deildini og vera ein partur av felagsskapinum
• hevur áhuga at undirvísa lesandi og næmingum
• hevur prógv og góðkenning sum anæstesisjúkrarøktarfrøðingur
• hevur telduførleika á brúkarastøði – vit brúka Cosmic.
Vit bjóða
• ein áhugaverdan og skiftandi arbeiðsdag saman við góðum starvsfelagum
• eitt starv við nógvum fjølbroyttum avbjóðingum
• skipaða innleiðslu.
Setanartreytir
Løn- og setanartreytir sambært sáttmála millum Felagið Føroyskir Sjúkrarøktarfrøðingar og Fíggjarmálaráðið.
Kundi tú hugsað tær at frætt meira um starvið?
So ert tú vælkomin at venda tær til Agnete Vestergaard, deildarleiðara á skurðdeildini tlf. 34 33 00 ella teldupost agnete@ssh.fo.
Ljóðar hetta sum nakað fyri teg?
So gleða vit okkum at fáa tína umsókn við viðkomandi skjølum á teldupost starv@ssh.fo í seinasta lagi onsdagin 22. januar 2025.
Tú lesa meira um Suðuroyar Sjúkrahús her og um okkara visjón, missión og strategimál her.
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.