Klaksvíkar Sjúkrahús

Anæstesideildin á Klaksvíkar Sjúkrahúsi

Høvuðsuppgávan er at standa fyri doyvingini ísv. skurðviðgerðir umframt at pínuviðgera sjúklingar áðrenn, undir og eftir skurðviðgerð.

Anæstesilæknar og anæstesi-sjúkrarøktarfrøðingar eru somuleiðis partur av traumatoyminum á sjúkrahúsinum. Okkara arbeiði umfatar at hjálpa til í sambandi við við móttøku av sjúklingum og viðgerð av innløgdum sjúklingum, ið hava tørv á doyving.

Samband

Deild

Anæstesideildin á Klaksvíkar Sjúkrahúsi

Sjúkrahúsbrekka 1, 2. hædd

Tlf: 404513

Leiðandi starvsfólk

Sigbjørg Hansen , deildarleiðari

Hent kunning

Finn veg og parkering

Bústaðurin er Sjúkrahúsbrekka 1.

Fyri at koma til sjúkrahúsið, kann koyrast eftir Klaksvíksvegi niðanfyri, ella Víkavegi omanfyri.

Parkeringsøki eru niðanfyri og norðanfyri sjúkrahúsið. Omanfyri er kommunalt parkeringsøki.

Kiosk og kafé

Á fyrstu undirhædd á sjúkrahúsinum er kantina. Har ber til sum vitjandi ella avvarðandi at keypa sær máltíðir ella okkurt góðgæti. Opið er yrkadagar kl. 08:15 - 10:00 og 11:30 - 13:00.

Blómur

Tað er loyvt at hava avskornar blómur, bukettir, við inn á sjúkrahúsið. Tosa við starvsfólkini um, hvussu tú skalt gera við blómurnar. Tað ber ikki til at taka urtapottar við mold, inn á sjúkrahúsið.

Internet

Á Klaksvíkar Sjúkrahúsi er gestanet, ið er opið til øll at brúka. Netið eitur Heilsunet-Guest.

Sosialir miðlar

Klaksvíkar Sjúkrahús brúkar bæði Facebook og Instagram (KS3) til at leggja tíðindi, myndir, kunning og størv út til tykkum at síggja.

Royking

Tað er ikki loyvt at roykja á Klaksvíkar Sjúkrahúsi. Uttanfyri høvuðsinngongdina er eitt økið tilskilað til royking.