Sjúkrarøktarfrøðingur til Eygnadeildina
Skurðdepilin á Landssjúkrahúsinum søkir eftir einum sjúkrarøktarfrøðingi til Eygnadeildina. Talan er um eitt farloyvisstarv á brøki 0.5 frá 01.11.2024 til 31.05.2025. Arbeiðið er í dagtímunum.
Arbeiðið á deildini snýr seg í høvuðsheitum um kanningar og skurðviðgerðir, sjálvstøðugt ambulatorium við m.a. diabetes, glaucom og børnum. Allar kanningar verða framdar við ymiskum tólum.
Á deildini starvast 12 starvsfólk – 4 læknar, 5 sjúkrarøktarfrøðingar og 3 skrivarar. Vit leggja dent á gott samstarv í tí dagliga.
Dentur verður lagdur á
- Prógv og góðkenning sum sjúkrarøktarfrøðingur
- Sjúkrarøktarfakliga vitan og royndir innan skurðviðgerðir
- Góð tvørfaklig samstarvsevni
- Ábyrgdarkenslu fyri at skapa góðan trivna á deildini
- Evni at miðla vitan til starvsfelagar, sjúklingar og aðrar samstarvsfelagar
- Telduførleika á brúkarastøði
Vit bjóða
- Felags innleiðslu og upplæring á deildini
- Fakliga skikkaðar og virknar starvsfelagar
- Eitt spennandi og fjøllbroytt arbeiðsumhvørvi við nógvum ymiskum avbjóðingum
- Ávirkan á fakliga menning og dygdarmenning á deildini
Lønar- og setanartreytir sambært sáttmála millum Felagið Føroyskir Sjúkrarøktarfrøðingar og Fíggjarmálaráðið.
Nærri upplýsingar um starvið fáast við at ringja til sjúkrarøktarfrøðing á Eygnadeildini, tlf. 304500 lokal 5346, teldupost: eyga@ls.fo ella til Elin Vitalis depilsleiðara, tlf. 234523, teldupost: elivi@ls.fo.
Umsóknarfreistin er 24.10.2024.
Vinarliga søk starvið her.
Upprunaprógv fyri útbúgving og viðmælir skulu havast við til møguliga samrøðu.
Her kanst tú lesa meira um okkara visjón, missión og strategimál.
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.